O BNG de Bergondo reclamou ao goberno local melloras na seguridade viaria en Ouces. Veciños e veciñas residentes no lugar do Casal en Ouces, trasladaronnos hoxe a súa preocupación pola inseguridade viaria que están a padecer na zona
O BNG de Bergondo fixo público que se reunirá hoxe con membros de Anova desta localidade. Acudimos a esta xuntanza sen condicionantes previos, xa que no noso ánimo está fortalecer o nacionalismo no noso Concello e na comarca porque o consideramos imprescindíbel para o avance do propio País e da democracía e sempre pensando en dar unha alternativa aos nosos veciños e veciñas que o están sufrindo as consecuencias das políticas terríbeis para as maiorías sociais do PP e do PSOE
O BNG de Bergondo trasladou todo o seu apoio a Plataforma constituida polas nais e pais do CEIP Cruz do Sar para dar solución a problemática creada pola Xunta de Galicia en relación co servizo de comedor e transporte escolar no Centro. Poñémonos a disposición das nais e pais para todas as actuacións que consideren en defensa dun servizo de comedor gratuíto
O BNG lamenta que a Deputación descarte facer melloras na seguridade viaria na estrada que une o Espírito Santo e Lubre, como demandaron os nacionalistas. En resposta as preguntas formuladas pola deputada provincial Silvia Seixas a instancias da asemblea local do BNG de Bergondo, a Deputación da Coruña argumenta que tras un estudio do tráfico na mencionada vía non considera que esta precise de melloras na seguridade viaria.
O BNG de Bergondo xunto cos veciños e veciñas afectadas pola EDAR na praia de Gandarío e outras asociacións ecoloxistas como ADEGA ou Verdegaia organiza unha performance reivindicativa este domingo na praia de Gandarío. Ademais, nesta actividade colaboran outras organizacións políticas como Anova, a Plataforma en defensa da Ría de Sada e Betanzos e contará coa presenza da actriz Isabel Risco.
O BNG cuestionou o anuncio da Xunta de que este luns comezarán as obras da depuradora de Gandarío. Parécenos impresentábel que en Pleno verán pretendan comezar a toda présa as obras da depuradora na Praia de Gandarío, que tivo unha gran contestación entre a veciñanza, aproveitando para xustificala os resultados dunhas anilíticas das augas que dan como resultado a contaminación da praia por fecais
Desde o BNG reclamaron saneamento para a Ría en lugar de simples operacións estéticas nas praias. O problema fundamental da Ría está no saneamento, en garantir a calidade da auga. Isto é primordial para os sectores produtivos que dependen da Ría, como o marisqueo, máis tamén para o turismo xa que unha boa calidade da auga vai atraer turistas que se a Ría se segue degradando deixarán de vir.
O BNG reclamou ao goberno que fixera públicos os análises da auga que levaron ao peche ao baño da marxe esquerda da praia de Gandarío e que hoxe reabriron. Parécenos que a veciñanza ten que ter información do estado das augas da Ría, porque non é de recibo que este ano teñamos dúas praias pechadas ao baño no noso Concello pola calidade das augas, O Pedrido e o Regueiro, e outra máis por momentos como Gandarío, e ninguén informe debidamente aos veciños e veciñas
O BNG advertiu que o proxecto da EDAR de Gandarío non contén modificacións de relevo sobre o que xa se sabía. Hai recheo, hai elevación dos edificios e hai desvío do regato de Gandarío.
O BNG denuncia a privatización encuberta da praza de electricista do Concello de Bergondo. Logo da xubilación da persoa que cubría o posto ata a actualidade, o goberno local do PSOE deriva sistematicamente os avisos de avarías no alumeado público que fan os veciños e veciñas a unha empresa privada situada no polígono industrial
