O BNG de Miño comprometeuse a impulsar un xeriátrico na antiga escola de Gallamonde

“Estudaremos a viabilidade de transformar a antiga escola de Gallamonde e a súa parcela nunha residencia de maiores. Unha infraestrutura imprescindíbel para Miño e para unha comarca como As Mariñas que non ten nin unha soa praza de xeriátrico público”

O BNG de Miño comprometeuse a impulsar un xeriátrico na antiga escola de Gallamonde

Miño, 25 de maio de 2023.- . O BNG de Miño comprometeuse a impulsar un xeriátrico na antiga escola de Gallamonde. “Estudaremos a viabilidade de transformar a antiga escola de Gallamonde e a súa parcela nunha residencia de maiores. Unha infraestrutura imprescindíbel para Miño e para unha comarca como As Mariñas que non ten nin unha soa praza de xeriátrico público”, explicou o candidato á alcaldía de Miño, Alberte G. Nicolás. 

“Trátase dun edificio público que actualmente o concello utiliza como almacén e que conta cunha parcela de case 18 mil metros cuadrados, adicados a unha prantación de eucalipto e chea de escombros”, engadiu o candidato nacionalista. 

“O edificio quedou sen uso hai máis de 20 anos cando se trasladou o colexio ao CPI Castro Baxoi. Cun déficit total de prazas de residencia de maiores pública temos a obriga de esixir da Xunta que cubra as necesidades do noso concello e da comarca, e unha boa solución sería utilizar un edificio que xa é público e que non ten un uso concreto”, indicou Alberte G. Nicolás.

“Pensamos que é fundamental que o concello reclame a revisión e ampliación do convenio do Centro de Día da Regueira, para garantir que se segue mantendo este servizo imprescindíbel en Miño e na nosa comarca, que só conta con esas prazas de centro de día público”, informou o candidato á alcaldía do BNG. 

Outras medidas para mellorar os servizos sociais 

“Melloraremos o Servizo de Axuda no Fogar e estudaremos a prestación do servizo de forma directa desde o Concello. Ademais poñeremos en marcha de programas de envellecemento activo nos locais sociais e en colaboración coas asociacións”, concluíu o candidato do BNG.

O BNG de Miño comprometeuse a impulsar un xeriátrico na antiga escola de Gallamonde