Mercedes Queixas defende no Parlamento a necesidade dun estudo de impacto ambiental conxunto para o 6 parques eólicos proxectados no Monte do Gato, entre Aranga, Oza-Cesuras e Coirós
Mercedes Queixas cualificou de “trama” para espoliar o Monte do Gato publicar, “ despois de dous anos”, seis Declaracións de Impacto Ambiental que mesmo confirman a fragmentacións dos parques e inciden na falta de rigor e abandono da protección das persoas e o territorio
Lamentou que unha vez máis, o Partido popular votara en contra da proposta para seguir favorecendo ás empresas eléctricas
“Na súa declaración de impacto a Consellería ven dar a razón ao BNG nas alegacións que presentamos nas que advertimos do altísimo impacto deste macroparque sobre o patrimonio natural e cultural, como deixan constancia os informes desfavorábeis das direccións xerais de patrimonio natural e de patrimonio cultural”
A deputada do BNG, Mercedes Queixas, rexistrou unha iniciativa no Parlamento o pasado mes pedindo que se estude conxuntamente o estudo de todos estes parques eólicos así como doutros ubicados na mesma zona e que comparten as mesmas estruturas de evacuación
“Este proxecto é completamente diferente ao que no seu día se someteu a exposición pública, o que provoca unha situación de indefensión, polo que solicitamos que a Xunta esixa un novo estudo de impacto e un novo período de información pública. Este estudo deberá ser conxunto para todos estes parques, como recoñecían xa os informes da declaración de impacto do Felga, estase producindo un fraccionamento dos proxectos cando se trata dun único parque eólico que comparte subestación, accesos e liñas de evacuación”
“A propia Xunta dáse conta das aberracións que supoñen estes Parques cunha enorme afectación ambiental, neste caso ás Brañas do Deo, propostas para a ampliación da Rede Natura e vai poñendo parches que nada solucionan e que fan imposíbel para a veciñanza seguir as tramitacións, provocando indefensión porque xa non se sabe nin onde van os muíños nin nada”
Denuncia o carácter incompleto e falta de credibilidade dos Estudos de Impacto Ambiental e pide á Xunta que escoite as demandas dos veciños e veciñas de Oza-Cesuras, Aranga e Coirós afectados polo proxecto
“Actualmente hai solicitada unha autorización para levar a cabo esta prospección á que aínda non respondeu a Xunta de Galiza.
Desde o BNG pedirán información no Pleno do Parlamento sobre que medidas ten pensado adoptar o goberno galego para garantir a conservación e posta en valor deste ben patrimonial.
O BNG pedía nesta moción que o concello se posicionase “en contra dos proxectos eólicos como están concibidos, e esixa da Xunta de Galiza un estudo de impacto conxunto dos 6 parques eólicos que se encontran en tramitación no Monte do Gato, así como das liñas de evacuación e subestacións asociadas a eles”.
O BNG pedía tamén na súa moción que o Concello explicara á veciñanza afectada en que consisten os proxectos en tramitación e lles facilitara asesoramento ás persoas afectadas
