Trasladaremos de novo esta problemática que se está repetindo en toda a comarca e noutros concellos do País polos recortes do PP na sanidade pública ao Parlamento e esixiremos persoal abondo para un servizo de sanidade público de calidade
“Celebramos que o goberno local finalmente se puxese mans á obra e fixese algo polo CEIP da Castellana. Alégranos saber que o BNG ten contribuído, coas nosa denuncia constante deste tema, a lograr que o goberno local investise no colexio. Agora confiamos que esta só a primeira das actuacións no CEIP da Castellana. Lamentamos, iso si, que o goberno só acceda a facer obras no colexio polo medo a perder as eleccións
No BNG cremos na importancia da participación e o diálogo, porque son a esencia da democracia. Queremos un debate público para que todos os grupos concorrentes poidan expor a súas ideas e os seus proxectos para Aranga
Desde o BNG propoñen unha alternativa que pasa por unha aposta decidida pola compostaxe, tanto individual como comunitaria, un punto limpo comarcal fixo e outro móbil, ademais do estudo para a implantación da recollida porta a porta.
“Sen esperar a Xunta, concellos como Aranga poden cooperar con outros da súa contorna para crear servizos que permitan a conciliación a nivel comarcal. Isto permitiría asegurar financiamento e adaptalos ás necesidades reais do noso concello"
“O sendeirismo pode ser unha importante fonte de emprego en varios ámbitos. Nese sentido, nós propomos a creación de novas rutas, traballos de mantemento e postosde emprego que aproveiten o potencial cultural e económico das mesmas”.
Críticas nacionalistas aos orzamentos do PP por estar “ao servizo dunha política clientelar, da compra de vontades con exemplos claros como a concesión “a dedo” de subvencións nominativas”.Un ano máis, o grupo nacionalista cuestiona que nun concello como Aranga, cunha poboación menor de 1900 habitantes, o goberno aumente outra vez o gasto nos órganos de goberno, moo próximo os 100.000 €
“Con estas coplas queremos lembrar que o Entroido pode ser tamén un elemento de dinamización social e de atracción turística no concello. Votiños veñen, votiños veñen, votiños veñen e van... / Porque pra amañar Aráanghaaaa / tes que votar Beneghá” canta a copla".
“Na estrada que une Cambás con Monfero hai que acabar coas numerosas fochancas, retirar as lombas de cementos e mellorar o trazado e sinalización da vía. Celebraremos no campo da feira a festa gastronómica do Millo de Aranga e o encontro de variedades locais, asociado a un encontro de intercambio de sementes. O abandono da pista deportiva e do parque do Toxiño é un exemplo da mala xestión do goberno local, que condena ao abandono infraestruturas que podería ser aproveitadas pola poboación máis nova”.
Poremos en marcha a primeira festa gastronómica en Aranga, centrada na nosa variedade de millo, que dotaremos dun selo de calidade, o que xerará un valor económico e contribuirá a poñer Aranga no mapa. Organizaremos ademais encontros que aproveiten a tradición vencella ao produto, rehabilitando muíños para a moenda e as xornadas etnográficas, con foliadas, concurso de esfolla, busca da espiga raíña… todo para poñer en valor a cultura asociada ao millo de Aranga.
