Novas
PE Gato

O BNG presentou alegacións ao proxecto do Parque Eólico Gato entre os concellos de Oza-Cesuras e Aranga

Nunha área de menos de 5 quilómetros prevese a construción de 6 parques eólicos: o P.E. Gato, o P.E. Seselle, o P.E. Fontella, o P.E Penas Boas, P.E Feás e o P.E Felga. É obvio que se trata dun único macroparque eólico e polo tanto solicitamos que se reclame un Estudo de Impacto Ambiental conxunto para estes 6 parques que estude os efectos reais que a instalación dos 40 aeroxeneradores vai ter sobre o medio, o patrimonio e a veciñanza destes concellos 

Actualmente está en tramitación, no trámite previo ao EIA outro parque eólico entre o mesmo concello de Oza-Cesuras e o de Mesía, o PE Legre a menos de 15 quilómetros deste e que se obvia no Estudo Sinérxico

Ler novas
Imaxe da visita ao Monte do Gato

O BNG pide que os concellos afectados polos proxectos eólicos do Monte do Gato se posicionen en contra e reclamen un modelo de xestión pública dos recursos

“Pedimos que os concellos esixan da Xunta de Galiza un estudo de impacto conxunto dos 6 parques eólicos que se encontran en tramitación no Monte do Gato, así como das liñas de evacuación e subestacións asociadas a eles como xa solicitamos nas alegacións que como BNG presentamos aos proxectos que pasaron o período de exposición pública”

Desde o BNG esixiron tamén aos concellos que expliquen á veciñanza en que consisten os proxectos en tramitación e faciliten asesoramento ás persoas afectadas

Ler novas
Acto reivindicativo na minicentral da Castellana

O BNG pediu na minicentral da Castellana a recuperación para a xestión pública das minicentrais en trámite de extinción das concesións

“Esta minicentral xunto con outras como a do Zarzo, a de Güimil ou a de Fervenzas están en tramite de extinción da concesión e desde o BNG reclamamos que se extingan estas concesións e se aposte pola xestión pública ou pola súa eliminación nos casos en que o impacto ambiental así o aconselle”

“A gran maioría das centrais hidroeléctricas foron construídas hai xa décadas, sendo investimentos que están sobradamente amortizados converténdose en máquinas de xerar beneficios grazas a decisións políticas discrecionais e ao uso privado que realizan dun ben público como é a auga”

Ler novas
Imaxe da visita ao Monte do Gato

O BNG reclamou esta mañá na súa visita ao monte do Gato un estudo de impacto conxunto dos 6 parques eólicos proxectados na zona

Desde o BNG apelaron a poñer no centro o interese público as garantías ambientais e o retorno económico e social da enerxía eólica.

Estes 6 parques eólicos, supoñen a instalación dun total de 40 aeroxeneradores nunha área menor a 5 quilómetros e que nalgúns casos comparten accesos e mesmo instalacións. Dous destes parques afectaran directamente á veciñanza da parroquia de Fervenzas, no concello de Aranga, que visitaron esta mañá.

Ler novas
Imaxe da presentación da campaña

O BNG presentou unha campaña social nas Mariñas co obxectivo de conseguir que o Goberno español active as rebaixas da AP9

Tendo en conta o contexto de pandemia, o BNG anunciou o comezo dunha “campaña informativa” consistente na pegada de cartaces e faixas, así como a distribución de folletos e a difusión de información a través das Redes Sociais. Ademais o BNG anunciou que trasladará o tema aos Plenos dos concellos polos que atravesa a AP-9, nas Mariñas Abegondo, Betanzos, Bergondo, Paderne e Miño, e que están directamente afectados por esta situación

“Sería un grande beneficio para Betanzos e para a nosa comarca xa que permitiría que o tráfico pesado cruce a ría pola ponte da autoestrada en lugar de polo centro de Betanzos, co perigo que supón na Angustia, a Ribeira e a Ponte Vella”

Ler novas