O BNG amosou a súa sorpresa diante da resposta de Unión Fenosa en relación co soterramento da liña de alta tensión que afecta ao mosteiro de Bergondo

Imaxe da liña de alta tensión a carón do Mosteiro
Imaxe da liña de alta tensión a carón do Mosteiro

Presentaremos unha iniciativa no Congreso por medio do noso deputado Néstor Rego para que o Estado se manifeste e busque unha solución a esta auténtica aberración

O BNG amosou a súa sorpresa diante da resposta de Unión Fenosa en relación co soterramento da liña de alta tensión que afecta ao mosteiro de Bergondo

Bergondo, 10 de febreiro de 2022.- O BNG amosou a súa sorpresa diante da resposta de Unión Fenosa en relación co soterramento da liña de alta tensión que afecta ao mosteiro de Bergondo. A resposta que a empresa eléctrica trasladou ao concello, froito da moción aprobada por unanimidade no pleno a instancias dos nacionalistas, pide que o propio concello asuma o custo do proxecto para o soterramento da liña que valora en 5000 euros. 

"Resulta indignante que unha empresa cuns beneficios anuais desorbitados non asuma o custo desta obra que suporían un gran beneficio para a veciñanza e acabaría con este feismo arquitectónico no entorno dun ben protexido e tan prezado como o Mosteiro de Bergondo", indicou o portavoz nacionalista David Carro. Desde o BNG, insistiron en que non é a administración con cartos públicos quen ten que asumir o custo do proxecto para preservar un ben protexido. 

“O Mosteiro de Bergondo é un dos elementos patrimoniais e turísticos, máis importantes do noso concello e a comarca. Monumento histórico artístico nacional dende o ano 73, polo que conta coa máxima protección por iso pedimos ao goberno local que tome medidas encamiñadas a súa posta en valor como o soterramento das liñas de alta tensión que teñen un altísimo impacto visual na súa contorna", explicou o portavoz do BNG, David Carro.

"Presentaremos unha iniciativa no Congreso por medio do noso deputado Néstor Rego para que o Estado se manifeste e busque unha solución a esta auténtica aberración", concluíu Carro. 

 

O BNG amosou a súa sorpresa diante da resposta de Unión Fenosa en relación co soterramento da liña de alta tensión que afecta ao mosteiro de Bergondo