Aranga,​ ​24​ ​de​ ​novembro.​ ​No​ ​pasado​ ​martes,​ ​o​ ​BNG​ ​facía​ ​públicas​ ​as​ ​súas propostas​ ​de​ ​emenda​ ​aos​ ​orzamentos​ da​ ​Xunta​ ​para​ ​os​ ​concellos​ ​da​ ​comarca, entre​ ​eles​ ​o​ ​de​ ​Aranga,​ ​onde​ ​as​ ​nacionalistas​ ​reclamaron​ ​á​ ​Xunta​ ​cartos​  públicos para​ ​a​ ​reforma​ ​do​ ​CEIP​ ​da​ ​Castellana,​ ​cuxo​ ​edificio​ ​principal​ ​acumula​ ​xa​ ​máis​ ​de​ ​40 anos​ ​sen​ ​apenas reformas. “O​ ​colexio​ ​está​ ​bastante​ ​deteriorado,​ ​porque​ ​desde​ ​a​ ​súa​ ​inauguración​ ​aló​ ​polos setenta​ ​as​ ​obras​ ​de​  reforma​ ​foron​ ​apenas​ ​testemuñais”,​ ​informa​ ​o​ ​portavoz municipal​ ​en​ ​Aranga,​ ​Carlos​ ​Díaz.

Nese​ ​sentido,​ ​declara​ ​Díaz,​ ​esta​ ​emenda​ ​do​ ​BNG​ ​aos​ ​orzamentos​ ​busca​ ​asegurar​ ​un investimento​ ​concreto​ ​para​ obras​ ​urxentes​ ​de​ ​acondicionamento​ ​e​ ​reforma​ ​no colexio​ ​da​ ​Castellana,​ ​especialmente​ ​na​ ​substitución​ ​de​ xanelas​ ​ou​ ​na​ ​pintura​ ​das paredes​ ​exteriores.​ ​O​ ​grupo​ ​nacionalista​ ​faise​ ​eco​ ​nesta​ ​emenda,​ ​por​ ​outro​ ​lado,​ ​das peticións​ ​das​ ​familias,​ ​que​ ​reclaman​ ​desde​ ​hai​ ​tempo​ ​un​ ​mellor​ ​acondicionamento do​ ​patio​ ​cuberto.

“As​ ​queixas​ ​polo​ ​estado​ ​do​ ​colexio​ ​son​ ​frecuentes​ ​e​ ​en​ ​inverno​ ​o​ ​patio​ ​non​ ​supón unha​ ​protección​ ​contra​ ​o​ ​vento​  e​ ​a​ ​choiva.​ ​O​ ​peche​ ​dese​ ​patio​ ​cuberto​ ​faría​ ​que​ ​o centro​ ​contase​ ​cun​ ​espazo​ ​exterior​ ​para​ ​o​ ​recreo​ ​moito​ ​máis​  axeitado”,​ ​afirmaba Carlos​ ​Díaz.

O​ ​BNG​ ​de​ ​Aranga​ ​denuncia​ ​como​ ​“ano​ ​tras​ ​ano,​ ​a​ ​Xunta​ ​do​ ​PP​ ​non​ ​fai​ ​investimentos en​ ​materia​ ​educativa​ ​en​ ​Aranga”​ ​e​ ​defenden​ ​que​ ​a​ ​súa​ ​emenda​ ​tería​ ​efectos positivos​ ​inmediatos,​ ​redundado​ ​ademais​ ​na​ ​totalidade​ ​do​  Concello,​ ​ao​ ​tratarse​ ​da única​ ​institución​ ​educativa​ ​en​ ​Aranga.