Mercedes Queixas, deputada do BNG, pregunta no Parlamento polas novas agresións que están sufrindo as Brañas do Deo, ameazadas polos proxectos de Parques Eólicos no Monte do Gato
Advirte da ameaza eólica, a través de Greenalia, e da plantación de eucaliptos nun espazo ambiental clave nun escenario de cambio climático
“Estanse levando a cabo novas plantacións de eucalipto na zona da Braña de Portomoeiro, que forma parte do espazo natural das Brañas do Deo, e afectan ademais a varias mámoas do complexo de mámoas de Portomoeiro que forman parte da grande necrópole megalítica do Monte do Gato”
“Pedimos que se estableza o réxime de protección cautelar e en consecuencia, que a Xunta informe negativamente todos os proxectos de parques eólicos e plantacións forestais que lle afecten a este espazo”
Na iniciativa presentada o BNG reclama que se dote de protección e establecer medidas de conservación e seguimento para os 40 humidais recollidos no Inventario de humidais (2003) no ámbito das Brañas do Deo e a súa contorna.
Mercedes Queixas reproba ao Goberno do PP a parálise da ampliación da Rede para protexer este espazo e favorecer así a especulación dos intereses privados
Esta protección aseguraría a conservación deste espazo natural fronte aos proxectos de parques eólicos do Monte do Gato e o proxecto de plantación de eucalipto na zona
Desde o BNG solicitarán tamén ao Parlamento que elabore un informe sobre os procesos de degradación e destrución de hábitats de interese comunitario e prioritario das Brañas do Deo, e abra expedientes ás entidades promotoras destes atentados ambientais, así como que se encargue un Plan de protección, conservación, recuperación, educación ambiental e dinamización das Brañas do Deo
“Esta protección aseguraría a conservación deste espazo natural fronte aos proxectos de parques eólicos do Monte do Gato e o proxecto de plantación de eucalipto na zona”
Desde o BNG pediron ao goberno galego que denegue os permisos a este e calquera outro proxecto de novas plantacións de eucalipto que prevexan novas plantacións en solos de protección de augas, de protección agropecuaria e de espazos naturais
Na visita á zona que tivo lugar esta mañá participaron o deputado Luís Bará e a deputada Mercedes Queixas, xunto con representantes do BNG das comarcas das Mariñas e a Montaña e representantes dos concellos afectados e das plataformas en contra dos eólicos e colectivos ambientais da comarca
Esta zona estaba incluída na proposta de ampliación da Rede Natura que é fundamental que se aprobe para conservar zonas como as Brañas do Deo cunha grande riqueza natural
