Oza dos Ríos, 29 de maio de 2013. A portavoz municipal do BNG en Oza dos Ríos, Estefanía Busto, criticou que o presidente da Deputación e secretario xeral do PP na Coruña, Diego Calvo, se desentenda da condena por estafa ao ex-alcalde de Cesuras. “Sabían das actividades e proceso xudicial contra Julián Lucas e mantivérono na alcaldía a pesar de todo”, asegurou.

“E agora, que se fai pública a condea por estafa, Lucas escapa para non dar a cara e Calvo lávase as mans como Pilatos e o abandona á súa sorte”, denuncia.

“A condea que pesa sobre Julián Lucas, exalcalde de Cesuras polo PP inhabilítao para ser elixido” informou a concelleira nacionalista. “Isto implica que os últimos acordos adoptados en relación á fusión dos concellos de Cesuras e Oza dos Ríos, que Lucas alentaba, serían ilegais” apuntou Busto.

“Isto é só unha mancha máis en todo este escuro proceso da fusión, desde o BNG seguimos opoñéndonos á fusión, non só pola acusación de Lucas, senón porque se fixo de costas á veciñanza e até o de agora non rep

“O PP puxo como exemplo de alcaldes modélicos a González Cacheiro e a Lucas polo anuncio da fusión”, recordou Busto. “Agora que Calvo se desentende do ex-alcalde de Cesuras pola súa condea por estafa, estaría ben que explicasen se segue a ser unha persoa exemplar” ironizou. “Tanto os alcaldes como o proxecto de fusión fracasaron” explicou Busto, xa que “non aparecen por ningures os centos de postos de traballo que prometeron”.ortou ningún beneficio para as veciñas e veciños de Oza” afirmou a voceira nacionalista. “Todo este proceso estivo asentado en promesas falsas e desde o BNG seguimos a demandar información verídica”.

 Estefanía Busto: “A condena de Julián Lucas é só unha mancha máis en todo este escuro proceso da fusión”

“Lucas non é o primeiro que escapa desta fusión, hai unhas semanas soubemos que non se vai instalar no noso concello a planta de Begano”, ironizou a concelleira do BNG. “O PP debería escoitar á veciñanza e á oposición e renunciar a un proceso de fusión condenado ao fracaso” concluíu a portavoz do BNG.

En canto á posíbel imputación José Ramón Peón, exalcalde de Oza dos Ríos, o BNG mantense cauto, “se é certo que está inhabilitado non é tolerabél que estea exercendo como concelleiro e como asesor da Deputación”, “esiximos ao PP que aclare en que situación legal se atopa Peón, se hai sentenza, se non a hai e que medidas teñen pensado tomar” apuntou Busto, “non vai ser que nos teñamos que enterar pola prensa como no caso de Lucas” engadiu a concelleira nacionalista.