Estefanía Busto Dopazo, actual concelleira do BNG en Oza-Cesuras, vén de ser elixida candidata á alcaldía pola asamblea local do BNG. A candidata vive en Salto (Oza dos Ríos) e encabezará “un proxecto pensado para abrir o concello á veciñanza, rematar coa política clientelar e en definitiva, “democratizar” o concello”.
Desde o BNG denunciaron tamén que o concello de Oza-Cesuras carece de portal de transparencia, ao que está obrigado por lei para facilitar o acceso á información e participación da veciñanza.
O grupo nacionalista defende unha ordenación do monte para regular as distancias e garantir a seguridade da veciñanza así como que se poña coto ao monocultivo de eucalipto. Desde o BNG apostaron por un modelo que busque o beneficio colectivo en lugar do beneficio para algunhas empresas.
“A área recreativa da Rexidoira, hoxe abandonada polo goberno local, foi rehabilitada dentro do Plan Mandeo, cun investimento de 111.813,85 €. O goberno local renuncia de maneira consciente a un dos principais activos turísticos e ecolóxicos do noso concello”.
Trátase dunha zona de alto valor arqueolóxico e queremos saber que medidas vai tomar a Xunta de Galiza para garantir a súa conservación e posta en valor.
Máis de catro anos despois da fusión viven mellor ou peor os veciños e veciñas do novo concello fusionado? Nada cambiou, a fusión supuxo só unha operación publicitaria para o Partido Popular na Xunta e no Concello. A opinión da veciñanza non importou nin se tivo en conta en ningún momento e o goberno segue sendo igual de clientelar que era antes de que se uniran.
A falta de seguridade viaria en Oza e Cesuras é unha proba máis do abandono do rural por parte do PP. A fusión de municipios fracasou: en vez de garantir servizos, deterióraos. As comunicacións seguras axudan asentar poboación e poñen en valor os recursos do municipio.
Tras unha revisión do inventario comprobamos que moitas construcións, especialmente fontes ou lavadoiros presentan un mal estado de conservación ou difícil acceso por causa da maleza
Vemos como gasto en órganos de goberno local segue medrando e ascende xa a 102 856 euros mentres o programa completo de fomento do emprego só conta cun orzamento de 35 554 euros. Máis de un millón de euros dos 4 944 556 do total do orzamento van destinados a privatizar servizos, isto son cartos para a empresa privada no canto de prestar servizos públicos de calidade
O BNG lamentou que a Xunta lle dea o visto bo a un xeriátrico privado mentres renuncia ao xeriátrico público que prometera na fusión. Lamentamos que deste xeito se renuncie a unha das grandes promesas da fusión, que era a rehabilitación do antigo sanatorio do Paraxón e o seu uso como xeriátrico público.
