Busto: “O BNG é un grupo fiábel, que está sempre ao carón da veciñanza. Imos ás eleccións de maio co aval do traballo realizado nos últimos anos”
Estes verquidos, que tiveron lugar a carón da Ponte dos Cabalos, proveñen da depuradora de Oza e provocaron alarma veciñal polo forte cheiro no Río Mendo
Pasamos de ter dúas corporacións con 11 membros cada unha a só unha con 13, o que ía supoñer un aforro en “políticos” transformouse nun gasto de 89 989 en tres salarios, isto é: 47 758 da dedicación do alcalde e dúas dedicacións máis de 23 879 e 18 352 de dúas concelleiras
O pequeno valado non cumpre as medidas de seguridade, polo material –madeira- e pola altura, facilmente salvable polas crianzas. Ante esta situación, o Concello debe tomar posición, escoitar á comunidade educativa e priorizar a seguridade e saúde das crianzas.
Apelamos á ambición do alcalde, para que reclame do goberno da Xunta que se cubran esas prazas durante as vacacións, garantindo así o dereito de toda a veciñanza ao acceso á saúde.
O BNG reclamará no Pleno un xeriátrico público, despois de que o pasado 27 de maio o goberno local dera comezo ao trámite de audiencia das persoas expropiadas para os accesos ao xeriatrico privado que pretenden construír en terreo rústico en Porzomillos.
Vemos como gasto en órganos de goberno local segue medrando e ascende xa a 102 175 euros para manter o salario do alcalde -45 mil euros- a dedicación parcial dunha concelleira -22 mil- ademais de 20 mil en dietas, 10 mil en locomoción e 4 mil en gastos para atención protocolaria
O BNG anunciou que presentará alegacións á petición de Autos Vázquez S.L. de suprimir paradas e frecuencias. Esta modificación suporía o abandono dos tramos entre Fraíz e Guiliade (Betanzos), o Rilo – Presedo (Abegondo), Trasanquelos (Cesuras), Cos (Abegondo) e O Burgo (Cambre). Propoñen abandonar tamén Guísamo (Bergondo), Piadela (Betanzos), Viladesuso (Betanzos), Camarada – Loureda (Cesuras) e Limiñón (Abegondo)
O pleno de Oza-Cesuras aprobou esta mañá en sesión ordinaria a moción do BNG na que demandaban actuacións para a mellora da seguridade viaria na estrada AC-840. Este é un grave problema e a veciñanza está reclamando solucións, alegrámonos de que a nosa proposta fose aprobada e agardamos que os acordos aprobados hoxe se fagan efectivos canto antes.
A situación que se dá en Filgueira de Barranca, onde non hai límites de velocidade nin pasos seguros que permitan que os peóns poidan cruzar dunha beira a outra non é única, este problema é extensible a todo o trazado da estrada
