Os nacionalistas defenden coa súa proposta unha maior cohesión e xustiza social, protexendo ás clases máis populares do incremento de máis dun terzo da factura do lixo.

A medida que defende o Bloque foi avaliada positivamente polos técnicos do Consorcio no seu informe, pero foi desbotada polas forzas de esquerda do Consorcio, PSOE, AV e Sada Maioría que secundaron a proposta do PP.

O BNG reclama máis transparencia e participación social nun ente cada vez máis pechado e escurantista.

Desde o BNG destacan a opacidade da proposta e cren que hai un intento do pleno do consorcio de acabar co modelo de Nostián.

O servizo que se presta é moi deficiente e parece que, lonxe de querer solucionalo, o que pretenden é castigar máis a veciñanza da comarca.