David Carro: “As emendas do BNG recollen propostas amplamente demandadas como a construción dunha nova escola infantil nas inmediacións do polígono industrial, ou a mellora na depuración para evitar as inundacións no polígono dunha vez por todas e non ter as empresas en vilo cando chove”
En investimentos deixaron sen executar máis de 700 mil euros dun total de 1.053.000, é dicir máis do 70% dos cartos reservados a investimento non se gastaron. Mentres o noso concello segue sen emprestar servizos básicos á veciñanza como saneamento ou traída de auga en todas as parroquias
“É un orzamento clientelar como vemos na xestión das subvencións. Non existe orde de subvencións, senón que se reparte todo ‘a dedo’ mediante subvencións nominativas. O máis importante é a falta de investimento e de proxecto político que demostra un orzamento sen ningunha proposta concreta para mellorar o nosos concello”.
O BNG criticou que o goberno local prevea dedicar só un escaso 13 % a investimento. “Hai parroquias enteiras que non teñen conexión ao saneamento como Lubre ou grande parte de Guísamo, e pensamos que é prioritario rematar este servizo que ademais é obrigatorio segundo a Lei de Bases do réxime local que todos os concellos presten e tamén para evitar vertidos que deterioren a calidade da auga dos rios e das praias”
