Novas
Ponte do Pedrido na Ría de Betanzos

O BNG lamentou que os orzamentos que ven de aprobar o goberno do Estado non recollan ningunha das necesidades da comarca das Mariñas

“Desde o BNG presentamos emendas a estes orzamentos para que se recollesen no orzamento necesidades fundamentais da nosa comarca que vimos demandando desde hai décadas como a rexeneración ecolóxica da Ría de Betanzos ou o by-pass na liña de tren entre A Coruña e Ferrol, para o que só reservan uns claramente insuficientes 120 mil euros para un proxecto valorado en entre 20 e 40 millóns de euros e ningunha destas emendas foi tida en conta”

“Dependendo de quen goberne PP, PSOE e Podemos votan aquí unha cousa e outra en Madrid, só o BNG se mantén firme na defensa dos intereses do noso País e da nosa comarca”

Ler novas
Mercedes Queixas

O BNG botou en falta investimentos fundamentais para a comarca das Mariñas na proposta de orzamentos da Xunta para o 2021

“Faltan investimentos fundamentais para a comarca das Mariñas como o relativo á posta en valor do patrimonio de Betanzos, que debera ser o motor económico da comarca, despois das múltiples promesas do presidente da Xunta, vemos que no orzamento non hai un euro para o Pasatempo nin para o Casco Histórico de Betanzos”

“Non hai orzamento para o novo centro de saúde de Abegondo, longamente prometido, nin tampouco para residencia ou xeriátrico público na comarca que carece totalmente destes servizos. Parece que seguimos sen reforzar os servizos públicos nin no referente á sanidade ni nos servizos sociais”

Ler novas
Néstor Rego

O BNG presentou as súas emendas parciais aos Orzamentos Xerais do Estado para a comarca das Mariñas de 18 millóns de euros

O BNG pediu que se inclúan nos orzamentos melloras imprescindíbeis na seguridade viaria na N-VI ao seu paso pola comarca, como a pasarela peonil no Espiritu Santo enfronte da Escola de Capacitación agraria, a rotonda en Guísamo, no cruce coa estrada N-651 ou a rotonda en Cortiñán, no concello de Bergondo os tres ou a rotonda e melloras na seguridade no cruce de Queirís, no Concello de Coirós

Nos orzamentos de 2021 o único investimento que contempla na comarca das Mariñas son uns claramente insuficientes 120 mil euros para o by-pass ferroviario en Betanzos, que custaría en total segundo os estudos entre 20 e 40 millóns de euros

Ler novas
Ría de Betanzos

O BNG presentou unha iniciativa no Parlamento para demandar de novo orzamento e prazos para o saneamento da Ría de Betanzos

O BNG reclamou no Parlamento a elaboración dun informe sobre a calidade da auga da Ría de Betanzos, a situación do saneamento e os puntos de vertidos, así como dun cronograma das actuacións previstas pola Consellería de Medio ambiente, Territorio e Vivenda para solucionar estas deficiencias. 

Tamén na súa iniciativa esixe que a construción dunha depuradora nos concellos que actualmente carecen de depuración como é o caso de Paderne asumindo a correspondente partida nos orzamentos de 2021

Ler novas

O BNG presentará unha moción nos Plenos para que os concellos esixan a Xunta que active a atención presencial en Atención Primaria

“É fundamental para dar resposta ás demandas de atención pola COVID 19, mais tamén ao resto das patoloxías e rematar coas listas de espera neste nivel asistencial, co persoal e as medidas de prevención de contaxios precisos, para garantir unha atención sanitaria digna á poboación”

Ademais desta moción, que se debaterá nos Plenos dos concellos de Betanzos e Bergondo a vindeira semana, e en Coirós, Oza-Cesuras, Irixoa e Paderne o BNG publicou uns dípticos informativos para concienciar das necesidades de mellora da sanidade pública e nos próximos días continuará con esta campaña con faixas e accións nas redes sociais para conseguir melloras na atención sanitaria tanto na atención primaria como nas diferentes especialidades

Ler novas

O BNG anuncia a súa abstención na transformación do consorcio en mancomunidade por ser un ente opaco e pouco democrático

O BNG demanda “que o novo organismo teña conte con normas, competencias e contas claras, democráticas e transparentes. Un ente supramunicipal que, non impedindo a posta en común de determinados servizos en zonas coma Betanzos e a súa comarca natural, sexa un instrumento útil, áxil e resolutivo ao tempo que legalmente seguro e solvente”

Ler novas